e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Largiadèr, Anton Largiadèr, Otto  Largiadèr, Anton Philipp * 25-11-1831 a Sta. Maria en Val Müstair, † 31-12-1903 a Basilea, ref., da Sta. Maria. Figl da Philipp, ferrer da chavals e veterinari (senza furmaziun), e dad Anna n. Caratsch, da Sta. Maria. &#8734; 1) 1859 Julie n. Waser, da Turitg, 2) 1871 Mina n. Weber, da Turitg. Emprendissadi da pastizier a Cologna. Suenter il return en Svizra è L. stà scolast a Lü e Tschierv, e dal 1855-57 ha el frequentà il Seminari scolastic a Cuira. A medem temp ha el studegià matematica e fisica en la partiziun per scolasts spezialisads da la SPF a Turitg. Magister a la scola chant. da Frauenfeld, alura al Seminari scolastic a Cuira ch'el ha dirigì dal 1861 al 1869. Directur dal seminari scolastic songagliais a Rorschach 1869-76, dal seminari scolastic lorenan da Pfalzburg a partir dal 1876 e finalmain dal seminari scolastic evang. per mattas a Strassburg. Il 1886 è L. vegnì nominà inspectur da las scolas da Basilea ed il 1892 rectur da la scola superiura per mattas da Basilea-Citad. El ha fundà l'emprima classa spez. per uffants retardads. Fin il 1899 ha el dirigì la furmaziun dals scolasts a Basilea ed è stà docent privat da pedagogia a la facultad da filosofia. L. è stà in dals discipels da Johann Friedrich Herbart ils pli influents en Svizra, in pedagog impurtant e pratic ed in promotur da l'introducziun da l'instrucziun da lavurs a maun per mattas. Dr.h.c. da l'Univ. da Basilea 1886. <br /> </p> Archiv: Ovras: Handbuch der Pädagogik, 4 ts, 1883-85; Ueber Spezialklassen für schwachbegabte Kinder, en: Verhandlungen der [...] Schweizerischen Konferenz für das Idiotenwesen, 1889, 1, 164-72. Funtaunas: Litteratura: St. Galler Tagblatt, 5-1-1904; A. Largiadèr, Dr. Anton Philipp L., Seminardirektor in Chur von 1861 bis 1869, en: BM, 1954, 313-20; P. Metz, Herbartianismus als Paradigma für Professionalisierung und Schulreform, 1992. Hans-Ulrich Grunder  Largiadèr, Anton Largiadèr, Otto  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: