e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Latsch Lavetsch  Lavater, Hans * 24-2-1885 a Turitg, † 27-4-1969 a Turitg, ref., da Turitg. Figl da Johann Hermann, commerziant. &#8734; 1913 Karolina n. Keller. Suenter studis da chemia a la SPF da Turitg e da musica tar Friedrich Hegar, Lothar Kempter e Carl Attenhofer al Conservatori da Turitg, ha el fatg part da l'orchester da la Tonhalle sco cellist per proseguir alura ses studis a Cologna. Il 1923 ha el fundà la Bach-Vereinigung ed è daventà dirigent dal chor dals students e directur da musica da l'Univ. da Turitg. A partir dal 1923 ha el tr.a. era dirigì  l'Academia da musica ch'el ha transfurmà en ina scola professiunala. L. ha presidià la cumissiun da musica da la Societad fed. da chant. Sco dirigent dal Chor viril Ligia Grischa a Glion 1932-43 ha el popularisà ils cumponists rum. Hans Erni, Tumasch Dolf, Robert Cantieni e Duri Sialm. Sper arranschaments da musica da la renaschientscha e dal baroc ha L. era cumponì las enconuschentas chanzuns rum. «Aurora en muntogna» (text: Giachen Uffer), «Scuder scudein nus» (Sep Mudest Nay) ed «Ei tucca da notg» (Gian Fontana). L. tgirava en sias chanzuns rum. in stil romantic moderà.<br /><br /><br /></p> Archiv: ZBZ (secziun musica), relasch. Ovras: Funtaunas: Litteratura: SML, 225 s. (cun bibliogr. e reg. da las cump.); BJb, 1970, 152-54; I. Cathomen, Il Chor Viril Ligia Grischa, 2002. Regula Puskás  Latsch Lavetsch  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: