e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brunold [-Claglüna], Giovannina BT  Brüsch Vischnanca polit., cirq. B., distr. Bernina, situada en la part sut dal Puschlav. B. cumpiglia ils aclauns da <elirlink href="aid:3246">Campocologno</elirlink>, Zalende, Campascio, B., Piazzo e Miralago a la via dal Bernina ed ils abitadis da <elirlink href="aid:3015">Viano</elirlink> e <elirlink href="aid:187">Cavajone</elirlink> situads aut sur la val. 1106 <em>Bruse</em>, 1212 <em>Brusio</em>, tal. Brusio (uffiz.). 1803 620 abit.; 1850 1'000; 1900 1'199; 1950 1'528; 2000 1'202. <br />La confraternitad da S. Romerio (antruras S. Remigio), domiciliada sur B. e menziunada per l'emprima giada il 1055, ha influenzà fermamain la colonisaziun ed urbarisaziun a B. Gia il 1212 è B. daventada ina vischnanca autonoma cun in agen decan. En il 13. tsch. è l'entir Puschlav passà sco feud a l'uvestgieu da Cuira. En il decurs dal 14. tsch. è la vischnanca da B. vegnida incorporada a quella da Poschiavo che s'administrava p.g.p. autonomamain. Cun la conquista da la Vuclina tras ils Grischuns èn vegnids annectads era ils aclauns da Campocologno (1518) e Zalende (1526). Il 1610 vuleva B. sa separar da Poschiavo, quai ch'è dentant reussì definitivamain pir il 1851. Il 1863 èn vegnids attribuids a B. la val laterala da Saiento (fin alura tal.) e l'abitadi da Cavajone. Ecclesiasticamain ha B. appartegnì a la plaiv da S. Lorenzo a Villa di Tirano (Vuclina), pli tard a quella da S. Vittore a Poschiavo. Il 1271 vegn menz. per l'emprima giada la baselgia da la S. Trinitad, B. è dentant daventada ina plaiv independenta pir il 1501. Vischnanca ref. il 1590, cun in'atgna baselgia (constr. il 1645). En il 17. tsch. èn vegnids expulsads ils refurmads che faschevan il 2000 anc damain che 10 % da la populaziun. Il 1870 è sa separada la plaiv cat. da B. da la diocesa da Com ed è vegnida incorporada a l'uvestgieu da Cuira. Separaziun da la plaiv da Campocologno 1966. Las OE Brüsch (1906) e la Viafier dal Bernina (1910) han effectuà in svilup economic considerabel. Il commerzi da vin, fritga, legums e tubac ha cumenzà a flurir. En ils onns 1960 èn s'agiuntads l'industria da textilias ed il traffic sur cunfin (ca. 280 pendularis d'ordaifer); tuttina è sa reducì il dumber da las persunas cun activitad da gudogn a B. da 730 il 1920 a 450 il 1980. Il 2005 dumbrava la vischn. puspè 698 occupads (30 lieus da lavur en il sectur primar, 24 en il sectur secundar e 70 en il sectur terziar). <br /><br /><br /> </p> Archiv: Ovras: Funtaunas: Litteratura: R. Bornatico, P. Pianta, Storia di Brusio, 1959; R. Tognina, Origine e sviluppo del Comun grande di Poschiavo e Brusio, 1975. Fernando Iseppi  Brunold [-Claglüna], Giovannina BT  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: