e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Legislaziun Lei, Val da  Lehmann, Heinrich Ludwig * 26-3-1754 a Detershagen (sper Magdeburg), † 2-4-1828 a Magdeburg. Figl da Friedrich Ludwig, uffiziant prussian, e da Christiane Eleonore n. Friedrich. Studi da teologia tr.a. a Halle-Wittenberg e Marburg. Il 1773 ha el translocà a Roten, nua ch'el ha lavurà fin il 1780 sco preceptur tar la fam. Jecklin von Hohenrealta, alura è el sa transferì a S. Gagl, Paris, Berlin e Magdeburg. L. ha translatà en tudestg manuscrits lat. davart l'istorgia grischuna ed ha publitgà tractats davart la topografia e l'istorgia grischuna en revistas svizras (tr.a. in tractat davart l'istorgia da la claustra da Curvalda, 1788). El ha fatg part da la Societad dals amis da l'agricultura dal Grischun. Enturn il 1789 è L. stà activ sco scolast a Büren. Suenter esser turnà en Germania ha el publitgà, sa referind al Grischun, «Die Landschaft Veltlin [...]» (1797), «Die Republik Graubünden [...]» (2 parts, 1797-99) e «Die Grafschaften Chiavenna und Bormio [...]» (1798).<br /><br /></p> Archiv: Ovras: Die sich freywähnenden Schweizer [...], 2 ts, 1799. Funtaunas: Litteratura: E. Wessendorf, Geschichtsschreibung für Volk und Schulen in der alten Eidgenossenschaft, 1962, 179 s.; S. Margadant, Land und Leute Graubündens im Spiegel der Reiseliteratur 1492-1800, 1978, 26 s.; Deutsches Geschlechterbuch 188, 1982, 273-326; S. Margadant, H. Lehmann, Die Stammbücher von Heinrich Ludwig L. (1754-1828), en: JHGG, 2007, 99-219. Karin Marti-Weissenbach  Legislaziun Lei, Val da  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: