e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Looser, Elias Lori, Fida  Lorenz, Paul * 6-8-1835 a Filisur, † 27-3-1915 a Cuira, ref., da Filisur e da Cuira (a partir dal 1870). Figl da Peter, landamma, e da Lucia n. Janett, da Filisur. &#8734; 1865 Nina n. Bener, da Cuira, figlia da <elirlink href="aid:3247">Christian Bener</elirlink>. Gimnasi a Cuira, stud.med. a Prag, Vienna e Würzburg, dr.med. 1859. Perfecziunament a Berlin (tar Rudolf Virchow), Paris e Vienna (tar Theodor Billroth). Suenter emprimas experientschas praticas a Filisur è el sa domicilià il 1862 a Cuira. Schefmedi a l'Ospital da la Crusch ed alura medi directur da la clinica Sand (dapi la fundaziun da quella il 1872 fin il 1915). Comm. dal cussegl da sanitad dal Chantun a partir dal 1862, pres. da l'Uniun da medis 1863-66. Confundatur da la secziun Rätia dal CAS 1864. Uffizier da sanitad engaschà al cunfin naz. 1866 e medi da divisiun en l'armada tud. 1870-71. Confundatur (1877) ed a partir dal 1899 pres. da la Societad d'agid per malsauns da spiert. Comm. da la cumissiun e pres. da la Clinica psichiatrica Waldhaus a Cuira. Confundatur dal Park-Hotel a Flem (anteriur hotel da cura e da bogns). Pres. da la  Societad grischuna per la perscrutaziun da la natira 1892-1906. Dotà cun ina vasta furmaziun scientifica, è L. s'engaschà per ina medischina sociala e preventiva. Autur da 65 referats scientifics e 20 publicaziuns davart la zoologia, anatomia, patologia umana, medischina sociala (epidemias e.a.), istorgia e statistica. Cun 5'000 frs da sia ierta è vegnida constituida la Fundaziun Lorenz per persunas cun in impediment spiertal.</p> Archiv: Ovras: Historisch-medicinische Skizzen aus Graubünden, 3 ts, 1869 e 1898; Zur Geschichte des Hochgerichts Greifenstein, 1914. Funtaunas: Litteratura: Verhandlungen der Schweizerischen Naturforschenden Gesellschaft, 1915, 100-06 (cun reg. d'ovras); G. Bener-Lorenz, Ehrentafel bündnerischer Naturforscher, 1938, 84-87 (cun fotogr. e bibliogr. cumpletta); Bedeutende Bündner 2, 162-68. Adolf Collenberg  Looser, Elias Lori, Fida  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: