e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lostallo Löwenberg  Lötscher Famiglia gualsra da S. Antönia Ascharina, nua ch'ella ha manà en il 19. tsch. per quatter generaziuns ina manufactura da vaschella e pignas da cheramica. Peter (1750-1818) ha fundà il manaschi enturn il 1790, suenter avair fatg daners sco mercenari en l'Ollanda e cun gestir in agen affar da transport e da transit. Ses figl Andreas (1787-1852) ha transferì l'interpresa dal bain da Roneggen en in edifizi (oz uffizi postal) construì dad el ad Ascharina il 1809-10. Ses figl Christian (1821-80) e ses biadi Andreas (1857-1933) han manà vinavant la vaschlaria fin a la liquidaziun da la firma il 1898. S'inspirond da models formals ed ornamentals da Heimberg e da Langnau im Emmental, han ils artists da S. Antönia creà novs motivs, novas furmas e colurs per decorar vaschella e pignas. <br /><br /></p> Archiv: MR. Ovras: Funtaunas: Litteratura: C. Simonett, Peter L. (1750-1818), der Gründer der Töpferei in St. Antönien (Ascharina), en: BM, 1974, 81-97; C. Hitz-Walser, Alte Bündner Keramik: die Töpferfamilie L. in St. Antönien Ascharina, en: Mitteilungen/Walservereinigung, 1997, nr 35, 24-30. Otto Clavuot  Lostallo Löwenberg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: