e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Luzi [Luzius] Luzzi, Jachen  Luzzi, Giovanni * 8-3-1856 a Strada (vischn. da Tschlin), † 25-1-1948 a Poschiavo, ref., da Tschlin. Figl da Jon e dad Uorschla n. Scharplatz, figlia da Jon, mastral. &#8734; Eva n. Henderson, da la Scozia. Il 1856 èn ils geniturs emigrads a Lucca. Maturitad a Lucca, stud.teol. a la facultad valdaisa da Firenza 1877-80, segiurn da studi ad Edinburgh 1886-87. Reverenda a Firenza 1887-1902, prof. da teologia sistematica a la facultad valdaisa a Firenza 1902-23 (translocaziun da la sedia a Roma 1920), turnea da referats en ils Stadis Unids 1911-12, reverenda a Poschiavo 1923-30. Autur d'ina translaziun en 12 toms dal Vegl e dal Nov Testament cun commentaris en tal. (1921-31). Propugnatur da l'ecumena, defensur d'ina teologia lib., senza metter en dumonda ils princips da l'Evangeli. Cun sia tenuta averta al modernissem ha el intermedià tr. ils refurmads ed ils catolics liberals.</p> Archiv: Ovras: Dall'alba al tramonto, 1934 (autobiogr.) Funtaunas: Litteratura: H.P. Dür-Gademann, Der Engadiner Giovanni L. als theologischer Kommunikator zwischen Nord und Süd, oder: Die hermeneutische Wirkung einer christlich-theologischen Existenz, 1992 (cun reg. d'ovras); DBI, 66, 752-54. Paolo Gir  Luzi [Luzius] Luzzi, Jachen  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: