e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Burkart, Walo Busch, Johann  Burvagn Fracziun da la vischnanca polit. da <elirlink href="aid:222">Cunter (Surmeir)</elirlink>, situada a la via dal Güglia a l'entrada en il Surses. 1375 <em>Prauwein</em>, 1452 <em>Bruweyn</em>. Fin enturn il 1950 era B. ina culegna purila cun ustaria, dapi il 1990 existan qua mo pli abitaziuns da vacanzas (duas abitaziuns per ils administraturs). Il 1786 ha il viturin Dosch chattà en in èr a B. in grond stgazi d'aur e d'argient dal temp rom. cun bratschlets, fiblas, stgatlas da parfum e munaidas rom. e gallicas ch'el ha vendì ad in aurer a Clavenna; insaquants da quests chats èn exponids en il Museum retic a Cuira ed en il Museum naziunal a Turitg. Il 1583 è doc. la chaplutta da S. Valentin, reconstruida il 1662 tras ils chaputschins en stil baroc. La Villa Travers dal 17. tsch. renviescha als lioms da parentella da questa fam. engiadinaisa cun il Surses. A Vaznoz a B. han ins scuvert il 1830 restanzas da la furtga, utilisada da la dretgira criminala dal Surses, sco era fastizs d'ina chaltschinera.<br /><br /><br /></p> Archiv: Ovras: Funtaunas: Litteratura: Kdm GR 3, 238, 246; J. Bill, Der Depotfund von Cunter/B., en: HA, 8/1977, 63-73. Gion Peder Thöni  Burkart, Walo Busch, Johann  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: