e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Marchion [Martgùn], Johann Peter von Margadant, Christian  Marchion [Martgùn], von Schlatta nobla ref. da derivanza intscherta (Italia dal Nord?). En il 16. tsch. eran ils von M. en servetsch dals conts Trivulzio. Dus roms han giugà ina rolla politica impurtanta, l'in burgais dal Schons enturn il 1600, l'auter da Valendau il 1622. Omadus pratitgavan l'agricultura, il traffic da transit ed, en il 18. tsch., era il servetsch mercenar. Il rom dal Schons ha mess 15 mastrals dal 1661-1842 e cun <elirlink href="aid:1608">Johann Peter</elirlink> e ses frar <elirlink href="aid:1607">Christian</elirlink> dus cuss. guvernativs. Quest rom è s'extinguì il 1936. Il rom da Valendau ha mess plirs mastrals ed uffiziers, tr. ils quals Johann Peter (1669-1742), litinent colonel, Leonhard (1733-1804) e Johann Peter (1696-1766), colonel da la LG, sco era <elirlink href="aid:1609">Leonhard</elirlink>, landrehter e podestat. Ils von M. eran parentads tr.a. cun las fam. Schmid von Grüneck, Capol e Rosenroll. Els han possess chasas patrizianas a Valendau, Ziràn e Donat.<br /><br /></p> Archiv: ASGR, Afam von M. e Simonett (Valendau). Ovras: Funtaunas: Litteratura: C. Simonett, La fam. Martgùn (von M.) agn Schons, en: Cal. p. mintga gi, 1954, 98-110; A. Schäfer-Marchion, Die Herkunft des Geschlechtes M., en: BM, 1987, 31-34; H. Eichenberger, Zu Commissari Johann Peter M. (1669-1742) von Valendas, en: Töndala, 31-3-1988, nr 105 (betg paginà). Adolf Collenberg  Marchion [Martgùn], Johann Peter von Margadant, Christian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: