e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Molina , [von]
Famiglia da Buseno, originara da la fracziun da M., attestada gia en il 15. tsch. (il progenitur era prob. in Domenico) ed oz extinguida en il vitg. Div. da ses exponents èn stads magistrats da la dretgira auta dal Mesauc (<em>Comun grande di Mesolcina</em>) e da las Trais Lias; auters èn stads uffiziers en servetsch da la Frantscha e notars publics. Antonio ha cumandà il 1499 las truppas da la Calanca ch'han participà a la Battaglia a la Chalavaina. In auter Antonio, attestà sco notar il 1551, è stà podestat a Traona 1565-67. Il figl da quest'ultim, Orazio, notar, è stà landamma da la Calanca 1571 e podestat a Traona 1601-03. El ha gì numerus figls, tuts uffiziers en servetsch da la Frantscha (Gaspare, Pietro e Lazzaro cun il grad da chapitani, Giacomo e Giovanni Battista cun quel da maior); il pli impurtant tr. quels è stà <elirlink href="aid:1700">Anton</elirlink>, colonel, secretari a la curt da la Frantscha ed interpret franz. tar las Trais Lias.</p>
Archiv:
Ovras:
Funtaunas:
Litteratura:
A. Bertossa, Storia della Calanca, 1937; C. Santi, Famiglie originarie del Moesano o ivi immigrate, 2001.
Cesare Santi
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Möli, Johannes