e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Mont [Demont], de
La schlatta originara da Vella, vasals da l'uvestg da Cuira, è stada dal 1481/89-1551 e puspè a partir dal 1595 proprietaria dal chastè e dal signuradi da Löwenberg a Schluein. Fin il 1793 han ils M. mess 15 landrehters (chaus) da la LG, han occupà uffizis en las Terras subditas (Vuclina, Clavenna e Buorm), èn stads uffiziers en servetsch franz. ed han mess div. dignitaris en il chapitel catedral sco era, cun <elirlink href="aid:1714">Ulrich</elirlink>, l'emprim prinzi-uvestg da Cuira oriund da la LG (1661-92). A partir da ca. il 1670 èn els stads trucses (seneschals) da l'uvestgieu da Cuira. <br />Il 1308 è menz. in Burkhard a Sumvitg ed en ils onns 1354-84 in chavalier Ulrich a Cuira. I n'è betg segir, sch'igl han existì lioms da parentella cun Heinrich, attestà a Vella a partir dal 1372; Burkhard (menz. il 1408-39), Rudolf (doc. il 1408-26) e Wilhelm (attestà il 1408-35), ses figls, han schendrà trais roms da la famiglia. En il 15. e 16. tsch. èn ils M. stads landrehters e diplomats: <elirlink href="aid:1708">Gilli</elirlink> - ses figl Michael è stà chancelier dal 1502-24 e burgamester da Cuira il 1521 e 1523 - ils frars <elirlink href="aid:1705">Gallus</elirlink> e <elirlink href="aid:1721">Han</elirlink>s ed a l'entschatta dal 17. tsch. <elirlink href="aid:1711">Luzius</elirlink>. Ferdinand, il figl da Gallus, è stà prevost dal chapitel catedral da Cuira 1597-1607. <elirlink href="aid:3447">Gallus</elirlink> ha fatg carriera militara en servetschs spagn., è stà mastral da la Lumnezia e landrehter da la LG ed ha occupà div. uffizis en las Terras subditas. Il chavalier Johann ha cumandà ina cumpagnia da guardia, numnada tenor el, en servetsch da la Frantscha (1620-35) ed è stà litinent colonel en il regiment Schauenstein, ses frar Melchior († 1661, barun de Löwenberg) ha servì sco chapitani en il medem regiment dal 1642-58; il biadi da quel, <elirlink href="aid:1712">Melchior</elirlink>, ha obtegnì il medem grad. En il 18. tsch. han numerus represchentants da la fam. servì a la Frantscha, p.ex. <elirlink href="aid:1713">Peter Anton</elirlink>. Suenter la Battaglia d'Austerlitz (1805) ha <elirlink href="aid:1710">Joseph Laurent</elirlink> survegnì il grad d'in general da divisiun franzos. En il 19. tsch. han ils M. pers lur impurtanza politica e militara. </p>
Archiv:
ASGR, Afam.
Ovras:
Funtaunas:
Litteratura:
Schweizerisches Geschlechterbuch 3, 284-90; HS I/1, 499, 542, 556, 566; Maissen, Landrichter; Collenberg, Amtsleute, 112; Simmen, Wappen.
Ursus Brunold
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Mont, Ulrich (VI) de