e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Busch, Johann Büsin, Peider Jan  Buseno Vischnanca polit., cirq. Calanca, distr. Moesa. Fin il 1851 ha B. appartegnì a la vischn. da Calanca, dapi alura è ella ina vischn. autonoma. 1611 575 abit.; 1803 344; 1850 248; 1900 198; 1950 241; 1990 97; 2000 110. Il center da B., che dat al vitg il num, sa chatta sin ina terrassa sin la spunda dretga da la Calancasca. A Molina, sut il vitg, sa chatta in lajet artifizial. B. cumpiglia era ils aclauns da S. Carlo (mises) e Giova; quest'ultim appartegneva antruras a S. Vittore ed è vegnì attribuì a B. il 1899 tras votaziun chantunala. La baselgia parochiala, consecrada il 1438 als ss. Pieder ed Antoni avat, è vegnida amplifitgada il 1776 e restaurada il 1990. Il 1984-88 è vegnida erigida a Giova la nova baselgia, deditgada a Nossadunna da Fatima. La plipart dals abitants da B. vivan anc oz da l'agricultura e da l'allevament da muvel. La vischnanca ha subì a ses temp ina ferma emigraziun da vaidrers en Frantscha e da vendiders da rascha en Austria ed en Germania.<br /><br /></p> Archiv: Ovras: Funtaunas: Litteratura: Kdm GR 6, 245-52; Voce delle Valli, 7-6-1990; 6-7-1990. Cesare Santi  Busch, Johann Büsin, Peider Jan  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: