e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Maissen, Augustin Maissen, Felici  Maissen, Clau * 1621 (Nicolaus) a Sumvitg, † 26-5-1678, cat., da Sumvitg. Figl da Padrut, statalter, e dad Anna n. NN. &#8734; Catrina n. Waller, da Sumvitg. Mastral dal cumin da la Cadi 1651-53, 1658-59 e 1670-71, landrehter da la LG 1663-64, 1669-70 e 1672-73, comm. da la Sindicatura dal 1657 e 1673, guvernatur da la Vuclina 1665-67, chau dal Corpus catolicum dal Grischun 1672-73. M. ha lavurà cun Mathias Schgier (decan dal chapitel catedral) cunter la partida franz., ha dirigì in tschert temp cun quel la partida spagn. ed è stà in defensur energic da la diocesa en ils scumbigls politic-ecclesiastics dal 1670-74. Cunter el è sa furmada ina vasta front d'adversaris dals circuls aristocratics e politics, ultra dad inimis persunals. La dretgira da la Cadi ha instradà in process criminal cunter el; sia appellaziun ad ina dretgira imparziala è vegnida refusada. Suenter avair inizià in putsch violent, è M. vegnì declerà proscrit, bandischà dal pajais ed assassinà sin la via tr. Cuira e Domat.</p> Archiv: Ovras: Funtaunas: Litteratura: A. von Castelmur, Landrichter Nikolaus (Clau) M., en: JHGG, 1928, 1-99; F. ed A. Maissen, Landrehter Nicolaus M., 1985; A. Maissen, Die Prozesse gegen Landrichter Nikolaus M. 1676-1678, en: JHGG, 2006, 39-100. Felici Maissen  Maissen, Augustin Maissen, Felici  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: