e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Maissen, Felici Maissen, Gilli  Maissen, Flurin * 22-4-1906 (Fidel) a Glion, † 3-4-1999 a Mustér, cat., da Sumvitg e Glion. Figl dad Augustin, fabricant da laina, e dad Anna n. Cahannes, da Breil. Frar dad <elirlink href="aid:1582">Alfons</elirlink> e dad <elirlink href="aid:3548">Augustin</elirlink>. Gimnasi ad Engelberg, noviziat en la claustra da Mustér. Studis da filosofia, pedagogia, istorgia, istorgia d'art e musica a Friburg 1927-28. Profess 1929, primizia 1933, pader benedictin. Studi da scienzas natiralas a Friburg 1934-36, lic. 1937, doctorat 1944 («Mineralklüfte und Strahler der Surselva - Fuorns e Cavacristallas», publ. 1955). Magister gimnasial a Mustér 1936-81. Benefiziat a Rumein 1965-98. Scienzià universal, inventader (tr.a. d'in clavazin mit il 1939), sco "pader verd" piunier en svilup ed applicaziun d'energias alternativas (gas biologic, cellas solaras), protectur energic da la natira (Rain, Greina). M. ha realisà cun Ueli ed Ursula Hauenstein sin il bain claustral a Rumein ina producziun da nutriment biologic. Scriptur rum. (p.p. sut il pseudonim Gion de Crap Sais) e publicist, defensur instancabel da la lingua e cultura rum., surtut dal sursilvan. Fundatur (1938) ed emprim redactur da la «Talina» (revista da la Romania studentica). Confundatur (1969, ens. cun ses frar Augustin) e spiritus rector da l'Institut per studis retoromontschs a Rumein, pli tard a Lags (Fundaziun Retoromana/FRR Placi a Spescha 1982, FRR Pader Flurin M. dapi il 2005). M. è stà in dals promoturs principals en l'Europa da la lingua auxiliara internaz. "interlingua occidental" (lingua planisada); el ha fundà e redigì la revista «Li Gimnasiast», ina publicaziun en interlingua redigida ed edida dals students claustrals enturn ils onns 1960 (tr.a. da Niklaus Meienberg). </p> Archiv: Ovras: Funtaunas: Litteratura: Deplazes, Funtaunas 4, 263; Disentis, 1999, nr 2, 38-40; LQ, 6-4-1999; G.-G. Furer, F. Friberg, Pader Flurin M. ed il romontsch, en: Cal. Rom., 2000, 284-96; M. Tschuor, Pader Flurin M., en: Cal. Rom., 2000, 404-13. Adolf Collenberg  Maissen, Felici Maissen, Gilli  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: