e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Marnia, Johann Marsalle, Louis de  Maron, Peter * ca. 1660/65 a Panaduz, † ca. 1737 a Panaduz, cat., da Panaduz. Furmaziun al tipograf tar Gion Gieri Barbisch 1680-83, alura collavuratur da quel. Suenter la mort da Barbisch il 1687, ha M. surpiglià la tipografia ambulanta ("Wandertrukke") da quel ed ha installà l'emprima stamparia stabla e mobila en Sutselva. M. ha lavurà parzialmain era a La Punt/Rehanau, Suagnign (1703) e prob. a Razén. El ha fundà la dinastia da stampadurs da Panaduz. Il 1739 ha ses figl (u ses frar?) Matthäus surpiglià la stamparia ch'è passada il 1756 ad Anton, figl da Peter (u da Matthäus). La stamparia è vegnida serrada il 1773. Ils M. han stampà o.t. ovras cat. religiusas ed instructivas en rum., tr.a. la segunda e terza ediziun da la «Consolaziun della olma devoziusa» dal spiritual Carli Decurtins.</p> Archiv: Ovras: Funtaunas: Litteratura: Bornatico, L’arte tipografica, 115-19. Adolf Collenberg  Marnia, Johann Marsalle, Louis de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: