e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mengotti, Francesco Rodolfo Menn, Barthélemy  Menhardt, Johann Heinrich * 1703/04 a Cuira (?), † 17-10-1761 a Cuira, ref., da Cuira. Maister da mastergnanza. &#8734; 1732 Anna Paula n. von Tscharner, da Cuira. Studi da pratica postala a Turitg, Basilea e Lindau. Il 1752 ha M. preschentà in project per refurmar la posta che cumpigliava 22 postulats, tr.a. l'installaziun d'in uffizi postal central a Cuira cun in servetsch regular en las valladas, la coordinaziun dals contracts cun l'exteriur, ina meglieraziun da las vias e la substituziun dals postins pedesters e chavaltgants tras charrotschas d'express. Sut l'influenza dals Salis han ils cumins refusà ses project cun 33 cunter 20 plis, sias propostas èn dentant vegnidas resguardadas parzialmain en la reorganisaziun da la posta chant. iniziada il 1813, p.ex. l'engaschament d'in maister da posta per il Grischun e l'introducziun d'in servetsch postal regular en las valladas grischunas. <br /><br /></p> Archiv: Ovras: Funtaunas: Litteratura: J. Lenggenhager, Beitrag zur Verkehrsgeschichte Graubündens: mit besonderer Berücksichtigung des Postwesens, 1911, 137 s. Adolf Collenberg  Mengotti, Francesco Rodolfo Menn, Barthélemy  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: