e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Mohr [Moor], Peter Conradin von
* 29-5-1819 a Susch, † 25-6-1886 a Cuira, ref., da Susch e Cuira. Figl da <elirlink href="aid:1699">Theodor</elirlink> e dad Anna Dulcinea n. L'Orsa. ∞ 1) 1846 Flandrina n. von Albertini, 2) 1854 Elisabeth Johanna n. Handner. Gimnasi a Wetzlar (Hessen), stud.iur. a Heidelberg e Berlin 1839-41, senza conclusiun. Activ sco advocat en il biro da ses bab a Cuira, M. è alura sa deditgà a l'istoriografia; sco autodidact è el stà (per part en collavuraziun cun ses bab) editur e translatur da pliras cronicas davart l'istorgia grischuna dal 16.-18. tsch. (Durich Chiampell, Fortunat Sprecher von Bernegg, Bartholomäus Anhorn e.a.). A partir dal 1848 han bab e figl M. lavurà vi da l'ediziun dal «Codex diplomaticus» (1848-65). Ses capodovra è la «Geschichte von Currätien und der Republik gemeiner drei Bünde» (1870-74), scritta d'ina optica decididamain ref. e lib.; l'ediziun da quell'ovra da ca. 2000 paginas ha consumà sias finanzas, uschia ch'el ha stuì renunziar a la perscrutaziun e viver da las entradas sco agent da segiranzas. Pres. da la Societad per la perscrutaziun da l'istorgia grischuna 1854-70, editur e redactur da l'annuari da quella, il «Rätia» (1863-69, ens. cun Christian Immanuel Kind). Cun sa scriver "Moor" ha el marcà distanza (lib.) visavi ses bab.<br /><br /></p>
Archiv:
Ovras:
Funtaunas:
Litteratura:
O. Clavuot, Peter Conradin von Moor, 1819-1886, 1964; Bedeutende Bündner 1, 498-516.
Peter Conradin von Planta
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Mohr [Moor], Anna von