e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Murk, Dea Murmarera  Murk, Tista *15-4-1915 (Johann Battista) a Müstair, † 18-8-1992 a Trun, cat., da Müstair. Figl da Jon Battista e dad Uorschla n. Oswald, da Müstair. &#8734; 1942 Anna Mathilde n. Gafner. Collegi a Mustér e Sarnen 1927-35, studi da las scienzas umanas a Friburg, Berna e Paris 1935-42. Collavuratur liber dal DFI (minoritads naz.) a partir dal 1937. Fundatur (1938) e redactur (1938-69) da la revista da la Val Müstair «Il giuven Jauer». Confundatur da l'USR 1946 (ULR dapi il 2005). Fundatur da la collecziun da texts dramatics «La scena» 1950. Bibliotecari chant. a Cuira 1946-58. Piunier dal radio e da la televisiun rumantscha. Sco manader dals posts da program da quels mediums (1958-68) è el s'engaschà cun sia emissiun «Viagiond cul microfon» per in'avischinaziun dals Rumantschs sur ils cunfins idiomatics e confessiunals. Directur da la Biblioteca populara svizra a Berna 1969-80. Translatur, reschissur ed autur dad ovras (essenzialmain) dramaticas («Chalavaina», 1949; «La mort dal poet», 1950) e da prosa («Spinai», 1944; «Nos min», 1973; «Bap e figl», 1984). Premi Charles Veillon 1967, Premi da Radio e Televisiun Rumantscha 1986, Premi da renconuschientscha dal chantun Grischun 1986. Pseudonim: Krum G.<br /><br /><br /></p> Archiv: Bibl. Jaura, Valchava, relasch. Ovras: BR, nrs 3567-83. Funtaunas: Litteratura: Bezzola, Litteratura, 504 s., 670 s.; Chal. ladin, 1993, 135 s.; Deplazes, Funtaunas 4, 266 e.a. Hansruedi Lerch  Murk, Dea Murmarera  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: