e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Niger, Franciscus
* ca. 1500, † ca. 1563, da Bassano del Grappa (Venezia). Ses vair num tal. era Francesco Negri. Pader benedictin da l'abazia da S. Giustina a Padua. Gia il 1524 ha N. mussà simpatia per il lutheranissem. Tr. il 1529 ed il 1531 è el stà activ sco tessunz a Strassburg, nua ch'el è entrà en contact cun div. refurmaturs. El ha maridà Cunegonda Regina Fessi. Il 1538 è N. translocà a Clavenna, nua ch'el ha manà ina scola privata ed instruì las linguas classicas. Sco simpatisant da las ideas anabaptistas ed antitrinitaras ha el participà il 1550 al Concil anabaptist a Vaniescha. El ha scrit e translatà cudeschs da scola ed è stà autur d'in catechissem tenor Martin Luther e dal pamflet «La tragedia del Libero arbitrio» che figurava en l'Index dal Vatican il 1559. Il 1547 è cumparida a Basilea sia «Rhetia sive de situ et moribus Rhetorum», in elogi umanistic, per part emfatic, da la libertad e da la toleranza religiusa en il Grischun. Enturn il 1561-63 ha el vivì a Pinczóv sper Cracovia, nua ch'el ha frequentà il circul dals exilants antitrinitars talians.</p>
Archiv:
Ovras:
Rhetia: eine Dichtung aus dem 16. Jahrhundert von Franciscus N. aus Bassano, edì e transl. da T. Schiess, 1897.
Funtaunas:
Litteratura:
E. Barbieri, Note sulla fortuna europea della "Tragedia del libero arbitrio" di Francesco Negri da Bassano, en: Bollettino della Società di studi valdesi, dec. 1997, 107-40; Bonorand, Reformatorische Emigration, 145-49; BBKL 19, 991-96.
Martin Bundi
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Nies Tschespet