e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Casati, Girolamo Casaulta, Giachen Giusep  Casatscha Anteriur ospizi en l'anteriura vischn. da Luorscha (actualmain Blenio), situà a 1820 m al pe sid dal Lucmagn, tal. Casaccia. C. cumpigliava l'ospizi, che serviva era da chamona d'alp, ed in edifizi d'economia cun susta (deposit da martganzia). Pendant dals ospizis da S. Gagl e da S. Maria/Lucmagn. Construì il 1100, amplifitgà il 1104, consecrà a la S. Fossa. Luorscha posseda il dretg da patrunadi dapi il 1136. Center dal traffic local e dal traffic da transit tr. Iriel (tras la Val Piora), Luorscha e Mustér. Ils da Blegn pelegrinavan mintg'onn ils 11 da zercl. a C. (doc. fin il 1867). Ils 3-3-1877 è l'ustier da l'ospizi, Martin Tschuor da Fuorns/Medel, vegnì assassinà e sblundregià, e sia figlia è morta dal fraid cun fugir a Medel. Questa tragedia è il tema central dals raquints «Sin vias e sendas» (1924) d'Augustin Giger ed «Il cuolm de cruschs» u «Il mazzament de Casatscha» (1961) da Guglielm Gadola sco era dal toc da teater «Tragedia d'ina famiglia sil Lucmagn» da Rest Flepp, inscenà a Curaglia il 1969. La fin d'avust 1877 ha ina bova sepulì grondas parts da C., ed il 1882 ha in incendi destruì il rest da la culegna che n'è betg pli vegnida reconstruida. Dapi alura maina la processiun ils 15 d'avust fin a l'ospizi da S. Maria.<br /><br /></p> Archiv: Ovras: Funtaunas: Litteratura: C. Giger, Das Berg- und Passhospiz Casaccia am Lukmanier, en: BM, 1974, 169-97. Adolf Collenberg  Casati, Girolamo Casaulta, Giachen Giusep  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: