e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Olgiati, Rodolfo Ollanda  Olgiati, Rudolf * 7-9-1910 a Cuira, † 25-9-1995 a Flem, da Poschiavo e Cuira. Figl dad <elirlink href="aid:1752">Oreste</elirlink>. &#8734; 1) 1946 Anne n. Lewis, 2) 1958 Irene n. Canova. Suenter la matura a Cuira, studi d'architectura a Turitg, dipl.arch. SPF 1934. Segiurns pli lungs a Roma 1935-1937. Agen biro a Turitg 1938-39. Domicilià a Flem dapi il 1944. O. rimnava elements da construcziun, mobiglias ed objects da diever da veglias chasas grischunas ch'el integrava, tenor pussaivladad, en sia architectura. Ina part dals objects èn exponids dapi il 1996 en il Museum O. a Flem. O. ha realisà surtut chasas da vacanzas, per gronda part en la regiun da Flem. El s'interessava en spezial per la renovaziun da chasas signurilas e da chasas da purs ed aspirava ad ina architectura corporala, cubica sco quai ch'el la veseva realisada idealmain en l'Antica greca, tar Le Corbusier ed en la cultura da construcziun tradiziunala dal Grischun. Caracteristics per sias construcziuns èn ils plans individuals, las fatschadas alvas chaltschinadas cun ina liadira glischa, las penslas graschlas, lucarnas en tetgs e fatschadas sco era artgs accentuants e colonnas. Premi grischun da cultura 1981.<br /><br /></p> Archiv: Ovras: Eine Streitschrift, 1994. Funtaunas: Litteratura: Die Architektur von Rudolf O., catalog d'expos.Turitg, 1977 (reprint 2010); ALS, 405 s.; U. Riederer, Rudolf O., 2004. Leza Dosch  Olgiati, Rodolfo Ollanda  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: