e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pagina da Surmeir, La Pally, Clemens  Pallioppi, Zaccaria &asymp; 2-5-1820 a Schlarigna, &dagger; 3-5-1873 a Schlarigna, ref., da Schlarigna. Figl da Jon Pitschen, giurist e filolog, e da Chatrina E. n. Zamboni, da Bever. &infin; 1844 Ursina Mengia n. Vicedomini. Scolaziun a l'Institut a Porta a Ftan 1828-33, dapi il 1832 domicilià a Turin, nua ch'el ha cumenzà in emprendissadi da pastizier. Gimnasi a Cuira 1835-41, studi da giurisprudenza a Jena ed a Berlin 1841-44, nua ch'el è sa fatschentà era cun la romanistica. Il 1844 è el turnà a Schlarigna, nua ch'el ha fatg l'advocat ed il notar. Landamma 1855-57, comm. dal Cussegl grond 1857-59 e derschader da pasch. A partir dal 1859 è P. sa deditgà exclusivamain a studis filologics, o.t. dal ladin. Il 1857 ha el formulà l'emprima ortografia dal puter renconuschida generalmain («Ortografia et ortoëpia del idiom romauntsch d'Engiadin'ota: compiledas per creschieus et scolars pü avanzos»). Sia ovra principala, il «Dizionari dels idioms romauntschs d'Engiadin'ota e bassa, della Val Müstair, da Bravuogn e Filisur», è vegnida cumplettada tras ses figl Emil e publitgada en furma simplifitgada il 1893-95. P. ha scrit era poesias ed aforissems. <br /> Archiv: Ovras: Funtaunas: Litteratura: A. Vital, Landamma Zaccaria P., 1901; Bedeutende Bündner 2, 104-07. Manfred Gross  Pagina da Surmeir, La Pally, Clemens  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: