e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pedretti, Giuliano Peer, Andri  Pedretti, Turo * 7-12-1896 (Arturo) a Samedan, † 17-7-1964 a Cazas, cat., da Clavenna e da Maton (dapi il 1916). Figl da Giuliano, pictur decoratur, e da Berta n. Wolf. &#8734; 1923 Marguerite n. His, chantadura. Scola d'art applitgà a Turitg, alura emprendissadi da pictur decoratur (1912-16). Exposiziuns a partir dal 1917, l'onn en il qual el ha emprendì ad enconuscher Giovanni Giacometti ch'ha suandà, sco mentur, l'activitad da P. cun bainvulientscha paterna. Il 1922 ha P. fatg viadis da studi a Paris e Londra. Turnà en l'Engadina il 1923, ha el vivì a Samedan, e - suenter la destrucziun da sia chasa cun atelier tras ina lavina il 1951 - a Schlarigna. Confundatur da la Societad da picturs, sculpturs ed architects grischuns (1936). Sper la pictura a chavallut (cuntradas, natiras mortas, purtrets) ha el creà ovras monumentalas en edifizis publics e privats (o.t. a partir dals onns 1930). P. è in impurtant represchentant da la pictura svizra da cuntradas da tempra fauvistica ed expressiunistica.</p> Archiv: Ovras: Funtaunas: Litteratura: Turo P. 1896-1964, catalog d'expos. Cuira e Warth, 1984; Turo P., catalog d'expos. S. Murezzan, 1996; BLSK, 808 s. Lara Calderari  Pedretti, Giuliano Peer, Andri  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: