e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pedretti, Turo Peer, Oscar  Peer, Andri * 19-12-1921 a Sent, † 2-6-1985 a Wintertur, ref., da Sent e Wintertur. Figl da Jon, impiegà da viafier, e da Silva n. Wieser, da Tarasp. Frar dad <elirlink href="aid:1779">Oscar</elirlink>. &#8734; 1949 Erica n. Studer, figlia da Jakob. Seminar scolastic a Cuira 1937-41, studi da romanistica a Turitg e Paris a partir dal 1943, dr.fil. 1951 («Beiträge zur Terminologie des Bauernhauses in Graubünden»). Magister gimnasial a Wintertur 1952-83. P. è stà in impurtant liricher, narratur, dramaticher, essaist e publicist rumantsch. Tr. il 1946 ed il 1985 ha el publitgà numerusas ovras liricas (p.p. sinopticas rum.-tud.), tr. quellas «Suot l'insaina da l'archèr» (1960), «La terra impromissa» (1979) ed «Insainas» (1984), ch'han sviluppà sut l'influenza da la lirica europeica moderna (simbolissem, hermetissem) novas furmas da lirica rum. en vers libers. D'impurtanza tematicamain centrala per l'ovra da P. èn la mitologia da la natira e dals perdavants, la regurdanza ed il siemi sco era eros e la culpa. Redactur dal Chalender ladin 1946-58.</p> Archiv: ASL, relasch. Ovras: Poesias 1946-1985, 2003. Funtaunas: Litteratura: Bezzola, Litteratura, 511-14, 677-93; Deplazes, Die Rätoromanen, 464 s.; Deplazes, Funtaunas 4, 269; LTS, 1384; D. Andry, Üna lectüra intertextuala da la poesia "Negressa" dad Andri P., en: Annalas, 122/2009, 81-101; R. Bernardi, Die Sonette von Andri P. - einige Überlegungen [...], en: Annalas, 122/2009, 103-18; R. Liver, Andri P. sut la marella linguistica, en: Annalas, 122/2009, 131-38; C. Riatsch, Die Stimmen des Windes. Zum Engadin-Mythos bei Andri P., 2010. Clà Riatsch  Pedretti, Turo Peer, Oscar  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: