e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Peterelli, Remigius Petiziun dals 200  Peterelli [-Zündel], Alice * 11-5-1909 a Schaffusa, † 6-7-1993 a Suagnign, cat., da Suagnign. Figlia da Hermann Hengstler e da Hermine n. Murbach. Adoptada Zündel suenter la mort prematura da ses geniturs. &#8734; 1938 Remigius P., interprendider da transport e garaschist, da Suagnign. Scolas elementaras a Schaffusa, scolaziun da chantadura al Conservatori a Turitg, diplom da magistra da chant 1931 e scolaziun supplementara da sopranista da concert. Il matrimoni ha manà P. a Suagnign, nua ch'ella ha fundà il 1941 ina scola da chant e musica per uffants (Lodolas) ch'ella ha dirigì fin il 1985. Il 1954 ha ella constituì in chor da dunnas transfurmà pli tard en il chor maschadà Las Vouschs dalla Gelgia ch'ha gì grond success era sin plaun naz., o.t. cun cumposiziuns rum. (scrittas per part aposta per quel chor). Organisatura da las Serenadas dal Surmeir (sairadas musicalas da tut gener). Comm. da la suprastanza da l'Uniun svizra da chors maschadads, comm. d'onur da quella uniun sco era da l'Uniun svizra da chors 1977. Premi da renconuschientscha dal chantun Grischun 1977.<br /><br /></p> Archiv: Ovras: Funtaunas: Litteratura: Schweizerische Chorzeitung, 1993, nr 12, 7; BJb, 1994, 155-57. Adolf Collenberg  Peterelli, Remigius Petiziun dals 200  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: