e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Planta, Anna von Planta, Balthasar von  Planta, Armon * 28-5-1917 a Susch, † 14-8-1986 a Sent, ref., da Susch. Figl da Heinrich, scolast, e da Hedwig n. Loretz. &#8734; 1948 Rosa Maria n. Huder, da Fuldera. Seminari scolastic a Cuira, alura furmaziun al mag. secundar a Turitg e Grenoble. Mag. secundar a Sta. Maria en Val Müstair, a Sent ed a Scuol. P. è s'engaschà fermamain sco protectur da la natira, archeolog e liricher politic che sa drizzava era en sias poesias («Amarellas», 1973; «Tampradas», 1975; «Pommaraida», 1982)  cunter la vendita da la patria e la germanisaziun da las valladas rum., denunziava mania da possess ed opportunissem e pretendeva in diever raschunaivel da las resursas. Sco archeolog è s'occupà P. da vias da traffic istoricas. Per sia lavur e metoda da piunier ha el survegnì il 1986 il dr.h.c. da l'Univ. da Berna. Confundatur ed activist da la Lia Naira che ha cumbattì en ils onns 1950 la construcziun d'implants idroelectrics sin il territori dal Parc Naziunal.</p> Archiv: Ovras: Verkehrswege im alten Rätien 1-4, 1985-90. Funtaunas: Litteratura: Annalas, 99/1986, 293-96. Clà Riatsch  Planta, Anna von Planta, Balthasar von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: