e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Planta, Rudolf Planta, Rudolf von (Samedan)  Planta, Rudolf Alexander von * 5-1-1861 ad Alexandria (Egipta), &dagger; 9-10-1895 a Ragaz, ref., da Samedan, Tumein e Cuira. Figl da <elirlink href="aid:1851">Jacques Ambrosius</elirlink>. Frar dad <elirlink href="aid:1815">Anna</elirlink>. Nubil. Gimnasi a Basilea, Losanna e Genevra. Studi da giurisprudenza ed economia a Turitg e Göttingen. Suenter in curt temp d'activitad en la firma da ses bab è el sa scolà en agronomia en Germania e Gronda Britannia. Il 1886 ha P. cumprà il Russhof che Thomas Lareda aveva erigì tr. Eigias e Landquart (1896 ca. 51 ha, actualmain 89 ha inclus las pastgiras d'alp) ed ha transfurmà il bain agricul en in manaschi puril da model surtut per l'allevaziun da muvel grond e manidel, per l'agricultura, la pumicultura e la viticultura. Avant sia mort prematura ha el legà l'entir cumplex al chantun Grischun cun la cundiziun dad indrizzar ina scola agricula sin quest bain. Il num Russhof è alura vegnì midà en sia onur en <elirlink href="aid:2127">Plantahof</elirlink>. <elirgreen></elirgreen> Archiv: Ovras: Funtaunas: Litteratura: Geneal. Planta, tav. 34/15; J.U. Meng, Zum 100. Geburtstag des Stifters des Plantahofes, en: BJb, 1961, 33-37; Landwirtschaftliche Schule Plantahof 1896-1996, 1996. Adolf Collenberg  Planta, Rudolf Planta, Rudolf von (Samedan)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: