e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Plattner, Wilhelm Plaun, Il  Platz, Paul [Paolo Piazza] Attestà il 1672, † 1720, dad Alvagni e da Würzburg (a partir dal 1675). Enconuschent era sut il num Paolo Piazza, è el stà activ sco architect spezialisà en la Franconia ed en il Württemberg, nua ch'el ha realisà o.t. fortificaziuns e chastels. Emploià da l'architect Wilhelm Schneider, ha P. construì en ils onns 1672-74 la tur naira dal chastè da Schwarzenberg a Scheinfeld (Franconia). Il  1675 è el vegnì numnà architect dal dom da Würzburg, nua ch'el ha era fatg lavurs vi da la baselgia da S. Burkhard (1678) e vi da la fortezza da Marienberg (1686). Ultra da quai ha P. lavurà il 1679-84 vi dals chastels da Weikersheim (Württemberg; stallas da chavals, portal, tur) e dad Öhringen (Württemberg; 1681-83, ala orientada vers la Ohrn, stalla da chavals). Il 1679 ha el obtegnì in diplom da noblezza, confermà tras l'imperatur il 1685.</p> Archiv: Acitad Würzburg, doc. biogr. Ovras: Funtaunas: Litteratura: Zendralli, I magistri grigioni; M. Pfister, Baumeister aus Graubünden, Wegbereiter des Barock, 1993. Cesare Santi  Plattner, Wilhelm Plaun, Il  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: