e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  PNS Pocobelli, Giulio  Po, Chasper * 24-4-1856 a Sent, † 31-12-1936 a La Spezia (Liguria), ref., da Sent. Figl da Domenic e da Lidia n. Vital. &#8734; Stupana n. Crastan, da Sent. Cun 13 onns è P. emigrà en l'Italia, tr.a. a Triest, nua ch'el ha fatg ina scolaziun commerziala en l'affar d'in cusrin. Pli tard è el s'associà ad in affar da colonialas ed è daventà enturn il 1900 contabel en l'administraziun da la citad da Triest. P. è stà comm. da la secziun Triest da l'UdG ed assistent per translaziuns en talian a Berna en ils onns 1916-20. Il 1920 è el turnà a La Spezia. Autur da poesias satiricas ed umoristicas, publitgadas sut il pseudonim C.H. Asper, sco era da cronicas en rima, poesias d'occasiun, translaziuns («Max e Moritz» da Wilhelm Busch) ed adattaziuns. </p> Archiv: Ovras: BR, nrs 3958-60; Da piz a chantun, en: Annalas, 49/1935, 92-118; Rimas, edì da G. Klainguti, C. Riatsch, 1996. Funtaunas: Litteratura: J. Pult, Chasper P. e sia versiun da Wilhelm Busch, en: Annalas, 88/1975, 219-36; Bezzola, Litteratura, 381; Deplazes, Funtaunas 3, 58, 76. Manfred Gross  PNS Pocobelli, Giulio  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: