e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Po, Chasper Poeschel, Erwin  Pocobelli, Giulio * 22-10-1766 a Melide/TI, † 22-4-1843 a Melide, cat., da Melide, vischin dal chantun Grischun 1825. Figl da Francesco, miradur ed interprendider. &#8734; Elisabetta n. P. Cun 13 onns è el suandà ses bab en il Piemunt, nua ch'el ha emprendì, sco autodidact, l'art da construir ed ha acquistà experientscha en la projectaziun e construcziun da punts e vias. Il 1797 è el turnà en il Tessin ed ha surpiglià il commando dals Cotschens, ina miliza rurala da voluntaris dals conturns da Lugano ch'ha cumbattì il 1798 l'armada cisalpina da Napoleun. Comm. dal Cussegl grond dal Tessin 1806-30 e cuss. guv. 1815-36. Malgrà sia tenuta fundamentala cons. ha P. aderì a la svieuta lib. dal 1830. El ha construì tr.a. la via dal Monte Ceneri (1806-10), fermamain contestada, ed il Ponte della Torretta sur il Ticino a Blinzuna (1813-15). Per il Grischun ha el projectà e dirigì las lavurs da construcziun da la via dal S. Bernardin (1818-23); Richard La Nicca era da quel temp ses assistent. El ha participà a la concurrenza per il Grand Pont/Zähringerbrücke da Friburg (1826, betg realisà) e per il Ponte-Diga a Melide (1841).</p> Archiv: Ovras: Funtaunas: Litteratura: G. Bener, Ehrentafel bündnerischer Ingenieure und Ingenieurwerke, 1927, 19-23; P. Mantovani, La strada commerciale del San Bernardino, 1988; M. Agliati e.a., Melide e Milí, 2003, 333-41. Marco Marcacci  Po, Chasper Poeschel, Erwin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: