e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cauco Cavazza, Christoph [Stoffel Hopter]  Cavajone [Cavaione] Abitadi sparpaglià en la vischn. polit. da Brüsch, situà a 1200-1500 m sin la spunda sanestra dal Sajento. 1233 <em>Cavalono</em>. 1873 103 abit. (14 fam. senza naziunalitad); 1950 65; 1990 13. En il temp medieval cumplex dad aclas vuclinaisas en possess da la chaplutta da Nossadunna da Tiraun. A l'entsch. dal 16. tsch. èn ils cunfins vegnids spustads en favur da Brüsch. C. è restà in abitadi da stad fin il 17./18. tschientaner. La chaplutta da la S. Crusch, construida il 1777, ha appartegnì fin viaden il 19. tsch. a la plaiv da Tiraun, alura a Brüsch. Tr. il 1797 ed il 1815 n'eran ils cunfins a C. ed en la Val dal Saent danovamain betg clers. La chaplutta da Nossadunna aveva vendì a ses temp ses bains a fam. vuclinaisas residentas l'entir onn u la stad a C. Fin il 1874 è C. stà in abitadi senza appartegnientscha statala e cun quai liber da taglias. Fin il 1874 ha el era furmà ina basa tradiziunala da cuntrabandiers senza organisaziun com., cun excepziun d'ina guardia champestra e d'in pendrader (da muvel). La via a C. è vegnida renovada il 1968. Il 1997 è vegnida constituida la Fundaziun Pro Cavaione.<br /><br /><br /></p> Archiv: Ovras: Funtaunas: Litteratura: R. Tognina, Cavaione, das vergessene Dorf, en: BJb, 1963, 116-19; SO, 7-6-1997. Adolf Collenberg  Cauco Cavazza, Christoph [Stoffel Hopter]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: