e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Porta, Andreas Rosius à Porta, Johann Biätsch a  Porta, Beatus a * 1530 a Tavau, † 1590 a Tirol sper Meraun, cat., da Tavau. Figl da Hans, landamma da Tavau. Studis a Friburg e.Br., Orléans e Paris. Plevon a Feldkirch e canoni a Cuira 1562. Il 1565 è P. vegnì elegì uvestg da Cuira ed ordinà il nov. dal medem onn a Roma, nua ch'el ha tschertgà agid cunter ses adversari Bartholomäus von Salis, intronisà a Cuira tras la LCD. Suenter la demissiun da Salis il 1566 ha P. prendì possess da l'uvestgieu. P. era avert per refurmas, il 1574 è el dentant sa dischlocà a la Fürstenburg ed ha refusà da turnar a Cuira. Cun numnar l'avat da S. Gagl, Joachim Osper, coadjutur cun dretg da successiun aveva el sperà da pudair sa distgargiar da ses uffizi. Quest plan n'è però betg reussì, ed uschia è P. - sut pressiun dal nunzi Giovanni Francesco Bonomi - sa declerà il 1580 pront da resignar ed è sa retratg en la plaiv da Tirol ch'el aveva obtegnì il 1576.</p> Archiv: Ovras: Funtaunas: Litteratura: HS I/1, 495 s.; Gatz, Bischöfe 1648, 549 s.; A. Fischer, Reformatio und Restitutio: das Bistum Chur im Zeitalter der tridentinischen Glaubenserneuerung, 2000, 148-55. Pierre Surchat  Porta, Andreas Rosius à Porta, Johann Biätsch a  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: