e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Porta, Petrus Dominicus Rosius a
* 1-10-1734 a Ftan, † 19-5-1806 a Zuoz, ref., da Ftan. Figl da Peider Rosius. ∞ 1760 Greta n. Nicola, 2) 1764 Anna Stoupan n. Sechia. A partir dal 1751 ha P. studegià teologia a Berna, Debrecen e Nagy-Enyed (Transilvania). A Nagy-Károly (Transilvania) ha el absolvì in emprendissadi scursanì da stampadur. Recepì en la Sinoda retica il 1756. Plevon a Veulden 1756-57, Masagn 1757-58, Ftan 1758-64, S-chanf 1766-81, Castasegna 1781-91, Suogl 1791-1801, Ftan 1801-03 ed a partir dal 1803 a Zuoz. Il 1778 ha P. presidià la Sinoda da l'Engiadina Bassa a Sent. Grazia a sia intermediaziun han pudì vegnir terminadas las cuntraversas pervia dals herrnhuterans. Il 1760 ha el cumenzà a rimnar material per sia istorgia da la baselgia ref., la «Historia reformationis ecclesiarum Raeticarum» (2 ts, 1771-77). L'ovra cumpiglia la perioda fin il 1648, cuntegna extendidas ediziuns da funtaunas ed è perquai indispensabla per l'istorgia grischuna. P. n'ha betg prendì partida en maniera nuncritica per la baselgia refurmada. Il dischinteress dals contemporans ha impedì l'ediziun d'in terz tom. Il manuscrit incumplet da quel sco era ulteriuras lavurs èn vegnids scuverts en l'archiv da la fam. Salis-Zizers. P. è stà in dals pli impurtants teologs da l'Illuminissem en il Grischun.</p>
Archiv:
Ovras:
Funtaunas:
Litteratura:
E. Wenneker, Die Bibliothek und die Handschriften des Petrus Domenicus Rosius a P., en: BM, 1992, 3-18; J.-A. Bernhard, Rosius à P. (1734-1806), 2005.
Karin Marti-Weissenbach
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Porta, Nott a [da]