e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Purtagn Puschlav, Lai da  Purtscher, Gottfried * 8-11-1767 (Gottfried Joseph Martin) a Danuder, † 27-12-1830 a Cuira, cat., da Danuder. Figl da segunda lètg da Joseph Ignaz, duanier, e da NN n. Sterzinger. Scola claustrala a Meraun, matura a Puntina. Stud.teol. al Seminar gen. da Puntina (1785-89), dal qual el è vegnì renvià per avair rebellà cunter la teologia raziunalistica. Cuntinuaziun dal studi a Cuira, nua ch'el è vegnì ordinà il 1790. Secretari da la chancellaria episcopala. Fundatur e regens dal Seminari da spirituals per l'uvestgieu da Cuira a Meraun 1801. Suenter la dissoluziun da quel e sia expulsiun, è P. turnà il nov. 1807 a Cuira, nua ch'el ha instituì a partir dal 1808 e manà sco regens il Seminari da S. Gliezi. Instructur da teologia morala 1801-30. P. era in multitalent en linguas sco era sin il champ da la mecanica (inventader da maschinas idraulicas e.a.) e da la construcziun da vias, nua ch'el era in perit dumandà. Ami da l'erox tirolais Andreas Hofer. Persunalitad da grond'influenza ed in dals manaders dal culp da stadi reacziunar dal schan. 1814 a Cuira.</p> Archiv: Ovras: Funtaunas: Litteratura: A. Gasser, 200 Jahre theologische Ausbildungsstätte für das Bistum Chur, en: BJb, 2002, 137-48, o.t. 141-43 (cun purtret); M. Durst, A. Gasser, 200 Jahre Priesterseminar St. Luzi und Studium theologicum/Theologische Hochschule Chur 1807-2007, 2007, 61-68. Adolf Collenberg  Purtagn Puschlav, Lai da  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: