e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Paraulas Paravicini, François Jean Baptiste  Paravicini Famiglia domiciliada a Caspano (Vuclina), derasada en l'entira vallada dapi il 14. tschientaner. En il 16. tsch. han intginas lingias adoptà la cretta refurmada. Durant il Murdraretsch en Vuclina (1620) èn vegnids assassinads var 20 members da la fam., 55 èn fugids ord pajais, tr.a. Vincentius P. di Gottardini (1595-1678). El è sa rendì da Traona l'emprim a Turitg ed è returnà sco plevon ref. a Buond e Castasegna. Il 1621 ha el publitgà in text davart il Murdraretsch en Vuclina. El ha scrit plirs tractats teologics ed è stà rectur da la scola Nicolai a Cuira dal 1654 fin a sia mort. Ses figl cun il medem num (1648-1726), istoriograf e rectur dal gimnasi da Basilea, è il progenitur da la lingia da Basilea. Franciscus Nicolaus (1606-68), medemamain da Traona, è s'acquistà il 1662 il vischinadi da Cuira. Ses descendents, tr. ils quals ses biadi <elirlink href="aid:1769">François Jean Baptiste</elirlink>, èn stads o.t. en servetsch mercenar franzos<elirred></elirred>. En il 18. tsch. han lavurà plirs P. sco notars a Cuira. Il rom da Caspar (1607-96) è sa domicilià en l'Ollanda e quel da Joseph (1779-1822) en l'Engalterra. Archiv: Ovras: Funtaunas: Litteratura: R.W. Standt, Zur Geschichte der P., en: Archiv für Schweizerische Familienkunde 3, 1948-56, 159-67. Martin Bundi  Paraulas Paravicini, François Jean Baptiste  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: