e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Perini, de
Famiglia domiciliada dapi la mesadad dal 14. tsch. a Samedan e Zuoz, dapi il 16. tsch. tempriv surtut a S-chanf; nobilitada tras l'imp. Rudolf II il 1600. Members dals P. èn stads uffiziants en las Trais Lias ed en Vuclina. La fam. è s'enritgida tras affars fatgs en Frantscha ed en Germania sco era tras facultads acquistadas en Vuclina. Plirs represchentants dals P. èn stads (sco <elirlink href="aid:1783">Georg</elirlink>) aderents da la confraternitad dals herrnhuterans. En il 18. tsch. ha installà la fam. (o.t. <elirlink href="aid:1784">Johann Heinrich</elirlink>) in'impurtanta biblioteca privata. En la Dispita per la giudicatura (1791-92), prorutta en Vuclina tr. ils frars Jakob, Peter e Johann Heinrich P. e Gaudenz von Planta, gievi apparentamain era per interess privats, ma principalmain per ils dretgs da suveranitad da las Trais Lias en Vuclina. Tras la separaziun da la Vuclina dal Grischun il 1797 e la Confisca ha la fam. P. subì grondas perditas da possess ed era pers influenza politica.
Archiv:
Ovras:
Funtaunas:
Litteratura:
P. Liver, Der Veltliner Judikaturstreit P./Planta 1791-92, en: JHGG, 1980, 7-48.
Silvio Margadant
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Perequaziun finanziala