e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Porclas [Porclis] Porta, Andreas Rosius à  Porta, a [à, da, de la, von] Famiglia ministeriala d'origin nuncler. Tr. il 1259 ed il 1521 cumparan pliras persunas cun il num vom Thurn u de Port sco ministerials episcopals e possessurs da la tur a Brinzauls. Il 1400 possedevan ils frars Wilhelm e Hans feuds dal signuradi episcopal da Greifenstein. Da la medema lingia deriva prob. era Jakob, il 1411/15 chastellan ed administratur episcopal u avugà da Greifenstein a Filisur. Ina lingia è prob. emigrada da Brinzauls en l'Engiadina Bassa, nua ch'èn attestads enturn il 1400 a Ftan in Peter ed in Hans sco possessurs da feuds episcopals, il 1421 a Ramosch in Jacob von Port ed il 1464 in Peter sco chastellan e derschader sin il chastè da Tschanüff. Il 1464 è doc. in Paul Conradin sco administratur austr. sin il chastè da Tarasp. A Cuira cumpara la schlatta per l'emprima giada il 1439 cun il chancelier episcopal Nicolaus de la P.; Johannes de la P., numnà Byaesch, era il 1477 burgais da Cuira ed administratur da la claustra dals predicaturs. Ulteriuras lingias da la fam. eran domiciliadas en il 15. e 16. tsch. a Tavau, Scuol, Sent e Landeck.<br />Da la lingia da Cuira occupava il custodi catedral Franciscus ina posiziun impurtanta. El aveva studegià a Vienna ed era stà il 1499, en il temp da la Guerra svabaisa, in dals quatter regents da l'uvestgieu e cuss. da guerra. Medemamain da la lingia da Cuira derivan l'uv. <elirlink href="aid:1876">Beatus</elirlink>, elegì il 1565, e ses frar Caspar, maiordom episcopal il 1575 e chapit. episcopal sin la Fürstenburg il 1578. Da la lingia da Ftan derivan dal 1557-1889 en tut 15 plevons ref., tr. quels <elirlink href="aid:3365">Nott</elirlink>, ch'ha edì set ovras rum. ed ina «Chronica Rhetica», e <elirlink href="aid:1878">Peter Dominicus Rosius</elirlink>. La scola privata, fundada il 1794 dad <elirlink href="aid:1875">Andreas Rosius</elirlink> a Ftan en il spiert filantropin, ha existì fin viaden il 19. tschientaner.</p> Archiv: ASGR. Ovras: Funtaunas: Litteratura: J.C. Muoth, Zwei sogenannte Ämterbücher des Bistums Chur aus dem Anfang des XV. Jahrhunderts, 1898; Grimm, Aristokratie; Clavadetscher/Meyer, Burgenbuch, 61, 65, 205, 213. Martin Bundi  Porclas [Porclis] Porta, Andreas Rosius à  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: