e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Marschlins
Chastè en la vischnanca dad Eigias. Il cumplex circumdà dad aua - in dals rars exemplars da ses gener en il chantun Grischun - sa chatta al nordost dal vitg da la vart dretga da la Val dal Rain. Div. sistems da foss circumdavan la construcziun regulara quadrangulara, munida da trais turs da defensiun e d'ina tur principala cun ina surconstrucziun surpendenta. Il cumplex è vegnì erigì en la mesadad dal 13. tsch. sco feud da l'uvestg da Cuira. Construcziuns precedentas dal 11. e 12. tsch. èn probablas, ma betg attestadas. Il 1337 è il cumplex passà en feud al duca Albrecht d'Austria, il 1354 al cont Friedrich von Toggenburg. Il 1460 ha in incendi destruì ils edifizis. Il 1462 ha il duca Sigismund vendì tut ad Ulrich von Brandis. Suenter il 1600 èn ils dubels foss d'aua vegnids drenads. Enturn il 1635 ha Ulysses von Salis laschà renovar la fortezza e transfurmar ella en in chastè cun in curtin franz., en il qual èn vegnids mess il 1717 ils emprims tartuffels dal Grischun. Il 1771 è vegnida construida ina chaplutta en la tur principala. Dal 1771-77 ha M. alloschà il Philanthropinum, in seminari filantropin (<elirlink href="aid:1094">Filantropins</elirlink>). L'aspect actual dal chastè è il resultat da renovaziuns extendidas effectuadas il 1905. <br /><br /></p>
Archiv:
Ovras:
Funtaunas:
Litteratura:
H.R. Heyer, Historische Gärten der Schweiz, 1980, 69, 71, 101; Clavadetscher/Meyer, Burgenbuch, 304-07.
Maria-Letizia Boscardin
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Marsalle, Louis de