e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Meglieraziuns Meirana  Meir Chavorgia da l'Alvra tr. la Tumleastga e la Val d'Alvra. 1639 <em>Schein</em>, tud. Schin. Il M. furma la colliaziun traversala tr. la Via Sura (sur il Set ed il Güglia) e la Via Sut (sur il Spleia ed il S. Bernardin). El separa l'intschess surm. da quel suts. ed è da vegl ennà era in cunfin politic ed ecclesiastic. Rechats cumprovan ch'ins aveva superà il <em>Mir</em> da la vart dretga dal flum gia en il temp rom. (numnà M. Vegl). Per Scharons a la sortida dal M. è attestà en il 13. tsch. l'obligaziun al servetsch da transport; enturn il 1290 èn menziunads ina <em>taberna </em>(taverna)episcopala e 12 berniers, il 1587 in lieu da duana. Sin il territori da la vischnanca da Vaz a la sortida meridiunala dal M. sa chattava il chastè da Nivagl, prob. la sedia la pli veglia dals baruns de Vaz. En ils onns 1639, 1689 e 1718 è la via vegnida meglierada. La via charrabla, construida il 1868-69, passa, sco la lingia da la VR averta il 1903, da la vart sanestra da la val. Situada en in territori geologicamain difficil, periclità da bovas, è la via vegnida amplifitgada dapi la fin dals onns 1960 e munida cun trais tunnels.</p> Archiv: Ovras: Funtaunas: Litteratura: J. Caduff, Der Schyn: ein Reisecyclus mit culturhistorischen Blättern und Blüthen, 1870; Planta, Verkehrswege 1, 29-74. Jürg Simonett  Meglieraziuns Meirana  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: