e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Montafun Montalt, de  Montalt Chastè e pitschen signuradi (13./14. tsch.) al cunfin da las vischnancas da Sevgein, Pitasch e Riein, en possess dals baruns de M. Il chastè vegn menz. per l'emprima giada il 1227. La localisaziun dal chastè è intscherta: en dumonda vegnan las collinas Cresta e Muota Casti/Raclein al sid resp. al nordvest da Riein sco era Chischlatsch al sid da Sevgein. Cun quai che la migiuria la pli impurtanta dals signurs de M. sa chattava en vischinanza da Prada Gronda, era situà il chastè da M. prob. a Muota Casti. Il 1350 vegn menz. in <em>maigerhof under der burg Montalt</em>, dal qual manava ina via da la veglia plaiv gronda da Sagogn sur Sevgein a Pitasch e sur la Günerlückli (2470 m) a Stussavgia. Las trais collinas surmenz. n'èn betg vegnidas exchavadas, ins ha dentant scuvert sur la Muota Casti in foss artifizial engrondì sco era restanzas d'ina tur e d'ulteriurs edifizis. Il chastè da M. è prob. vegnì bandunà baud e na vegn betg pli menz. en las midadas da possess dal 14. tschientaner.</p> Archiv: Ovras: Funtaunas: Litteratura: Clavadetscher/Meyer, Burgenbuch, 88. Martin Bundi  Montafun Montalt, de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: