e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Munt Son Gion [Reziòlta] Muntfallun, Suot e Sur  Munt Spleia Pitschen aclaun situà a 1908 m entadim la Val S. Giachen al pe sid dal Pass dal Spleia, fracziun da la vischnanca tal. d'Isolato, tal. Monte Spluga. L'aclaun sa chatta a la fin d'ina anteriura planira auta, cuverta en il temp medieval per part da larischs e tieus. Gia en il temp rom. existiva qua prob. ina susta, dapi il temp medieval tardiv è attestà in ospizi u in albiert. Sin il M. è attestada in'ustaria ch'era averta enturn il 1600 durant l'entir onn. A la sava dal 18. tsch. è sa furmà, cun l'augment dal traffic, in vitget enturn la <em>Ca della Montagna</em>. En connex cun l'amplificaziun da la via tras il Cardinel è l'ospizi vegnì engrondì, renovà e munì cun stallas ed in zain che sunava permanentamain en notgs da malaura. Cun la construcziun da la via commerziala (1823), d'ina baselgia e da la chasa da duana, ha M. obtegnì quasi l'aspect odiern. La gronda part da la planira da M. è dapi il 1932 sfundrada en in lai artifizial. Sin ina collina da la vart sid dal lai sa chattava en il temp medieval l'imposanta fortezza da Castelasc. Davent da quella controllavan e segiravan en il 13. tsch. vasals dals baruns de Vaz il traffic nord-sid.</p> Archiv: Ovras: Funtaunas: Litteratura: J. Kessler, Der infame, schreckliche Cardinell, en: BJb, 1985, 57-62; K. Wanner, Nachbarn der Rheinwaldner, en: TG, 1990, nr 2, 8-11. Martin Bundi  Munt Son Gion [Reziòlta] Muntfallun, Suot e Sur  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: