e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Nadig, Eva Nann'Engel  Nagens Alp situada a 1970 m sin il territori istoric da Lags. Attestada per l'emprima giada l'onn 765 en il Testament da Tello <em>in alpe Agise onera centum</em>, rum. sin l'Alp N. ina racolta da fain da 100 chargias. L'areal, utilisà durant il temp medieval tempriv o.t. sco prada, è sa transfurmà en il temp medieval tardiv ad ina regiun d'alps. Il num N. valeva oriundamain per l'entir territori da Sur Crap e s'extendeva a l'ost da Platt'Alva fin al glatscher dal Vorab ed al vest fin a la Fuorcla da Sagogn. En il 14. e 15. tsch. ha disponì la claustra da Mustér mo pli d'ina part da l'anteriur possess victorid, p.ex. da l'Alp S. Martin (1986 m); il rest era ì en possess dals baruns de Razén, da purs libers e da vischinadis. La regiun consista actualmain da trais alps separadas ina da l'autra tras mirs da crap: l'Alp N. a l'ost appartegna a la vischnanca da Lags, l'Alp Mughels (1998 m) entamez a la corporaziun da Schluein e l'Alp S. Martin al vest a la vischnanca da Sagogn. L'areal cumpiglia in'entira rait da telefericas e furma la part centrala da la regiun das skis numnada Arena Alva.</p> Archiv: Ovras: Funtaunas: Litteratura: M. Bundi, Historia dalla vischnaunca da Sagogn, 1975, 28. Martin Bundi  Nadig, Eva Nann'Engel  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: