e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Nett, Bartholome Neuburg  Neu-Aspermont Imposant cumplex da ruinas sin in sparun al nordost da la vischnanca da Gianin, cun ina tur principala, in edifizi d'abitar da pliras parts ed in mir da tschinta. L'entrada da la tur da sis plauns è al terz plaun. Il plaun superiur, munì cun balestreras en furma da foras-clav e cun fanestras quadras, è vegnì agiuntà pir en il 16. tschientaner. L'implant, che datescha presumablamain da l'emprima mesadad dal 13. tsch., è vegnì erigì prob. dals signurs de Aspermont. Il 1284 appartegneva el als baruns de Vaz, dapi la mesadad dal 14. tsch. a div. famiglias dal Vnuost. Il 1499 è N. vegnì conquistà dals Grischuns e destruì parzialmain, alura però puspè reconstruì. Il 1536 ha Johann de Marmels vendì il chastè ed il signuradi a las Trais Lias. Il chastè (dapi il 1538 en possess da Peter Finer) è vegnì bandunà en il 17. tsch. ed è ì en ruina en il 18. tschientaner. A l'intern da la ruina sa chattan anc restanzas da latrinas, da nischas da stgaffas e d'ina pigna en furma da cub. Il 1999 ha il Burgverein N. (fundà il 1996) inizià lavurs da consolidaziun.</p> Archiv: Ovras: Funtaunas: Litteratura: Clavadetscher/Meyer, Burgenbuch, 319-22; M. Joos, Von der Ruine zur Begegnungsstätte, en: Terra plana, 2/1999, 30 s.; SOSo, 14-5-2006. Maria-Letizia Boscardin  Nett, Bartholome Neuburg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: