e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Padrutt, Willy Pagig  Padua Citad del Veneto, situada en la planira dal Po, lieu principal da la provinza tal. dal medem num. L'univ. da P. è stada in center dal moviment umanistic e qua tras lieu da studi fitg frequentà en il 16. tsch. da students da giurisprudenza e medischina, derivants surtut da Basilea. Dapi alura apprezià da Svizzers sco destinaziun da viadis da scolaziun. Dal 17. fin il 20. tsch. quintava l'Academia dei Ricovrati, fundada il 1599 (tr.a. da Galileo Galilei), era Svizzers tr. ses commembers. Dals radund 170 students svizzers, ch'han frequentà en il 17. tsch. l'Univ. da P., eran in terz dal Grischun, in tschintgavel da Turitg e mo pli stgars in dieschavel derivava da Basilea. Anc pli remartgabla è la dominanza dals Grischuns en ils dus emprims decennis dal 18. tschientaner. A l'Univ. da P. regnava in spiert spezialmain lib. e tolerant. Uschia èn sa reunids qua era blers prot. dal nord da las Alps. Il Grischun Thomas von Schauenstein è stà dal 1583 fin il 1585 rectur da la facultad da dretg, Niccolo Guicciardi ed Ercole Guarinoni, derivants da las Terras subditas dal Grischun, han occupà il 1539 resp. il 1584 l'uffizi dal rectur da la facultad artistica. En il 18. tsch. cumpara a P. inqual Randulin da l'Engiadin'Ota. En il segund quartal dal 18. tsch. ha l'Univ. da P. pers sia attractivitad per students svizzers. Sco destinaziun per emigrants grischuns (Engiadin'Ota) è la citad stada da pitschna muntada ed è oz d'impurtanza per la Svizra quasi mo pli sco lieu da vacanzas e da pelegrinadis (Basilica da S. Antoni).</p> Archiv: Ovras: Funtaunas: Litteratura: Kaiser, Zuckerbäcker; A. Robinet, L'empire Leibnizien, 1991. Hanspeter Marti  Padrutt, Willy Pagig  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: