e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Padua Pagina da Surmeir, La  Pagig Anteriura vischnanca polit., cirq. Scanvetg, distr. Plessur, situada sin la spunda nord dal Scanvetg Central. Fusiun cun S. Peder a S. Peder-Pagig il 2008. P. consista da las duas pitschnas culegnas da P. e da Triemel. 1160 <em>de Puigo</em>, anc pli baud <em>Pagiai</em>. 1808 75 abit.; 1850 78; 1900 88; 1950 79; 1970 43; 2000 78. La cultivaziun è stada quasi terminada enturn il 1200. Ils signurs territorials èn stads fin il 1338 ils de Vaz (feudataris episcopals), alura ils de Werdenberg, dapi il 1363 ils de Toggenburg. Ils signurs de/ab Unterwegen (menz. il 1285-1498) èn stads ministerials da Cuira e vivevan en in chastè sut il vitg, dal qual n'existan pli nagins fastizs. Vischinadi dal cumin da S. Peder, cun il qual P. è s'unì a la LDD il 1436. Novs signurs feudals èn daventads il 1437 ils Montforts, suenter il 1471 ils Matschs, a partir dal 1479 l'Austria. P. appartegna ecclesiasticamain a S. Peder. Refurmà dapi ca. il 1530. La lingua rum. è morta ora a P. enturn il 1570. Il 1652 ha la vischnanca cumprà ora ils dretgs signurils, il 1657 ils dretgs feudals episcopals. Funtaunas d'entrada principalas a P. èn l'allevament da muvel (pli baud era cultivaziun da chonv), dapi intgin temp in turissem moderà. Construcziun dal stradun sut il vitg 1875-77, da runals dapi il 1984 e d'ina chamona da skis. P. è dapi l'entsch. dal 21. tsch. senza plevon, scola e butia.</p> Archiv: Ovras: Funtaunas: Litteratura: J. Ganz, P., 2001; Gem. GR, 2003, 222 s. Martin Bundi  Padua Pagina da Surmeir, La  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: