e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Paritads Parpan, Ferdinand  Parpan Anteriura vischnanca polit., cirq. Curvalda, distr. Plessur. Fusiunada ens. cun <elirlink href="aid:1913">Malix</elirlink> il 2010 cun Curvalda. Vitg accumulà en la Val Curvalda. 1208 <em>Partipan</em>; rum. Parpaun, antiquà). 1623 ca. 220 abit.; 1850 92; 1900 62; 1950 89; 2000 263. Singul chat dal temp da bronz. La regiun a la ruta dal Pass dal Set, cuverta antruras da gronds guauds, è vegnida colonisada durant il temp autmedieval tras la claustra da Curvalda. Las emprimas culegnas a P. èn vegnidas fundadas da colonists rum. en il 13. tschientaner. Il 1275 cumparan ils baruns de Vaz sco possessurs dal domini da Strassberg, a partir dal 1338 ils Toggenburgs, Montforts e Matschs. Il 1436 è s'unì il cumin da Curvalda - che provegniva dal signuradi da Strassberg - ens. cun il vischinadi da P. a la LDD. Il 1649 è sa liberà P. dals dretgs signurils austriacs. La chaplutta da S. Peder appartegneva a Vaz. La baselgia da S. Anna è vegnida erigida enturn il 1500. La pravenda exista a P. dapi il 1517, quella ref. dapi il 1560. La germanisaziun è stada terminada a P. en il 16. tschientaner. Las funtaunas d'entrada tradiziunalas eran l'allevament da muvel, las minieras d'arom e d'argient (15.-19. tsch.), la vaschlaria (18. tsch.) ed il traffic da transit. Il stradun è vegnì construì dal 1824-40. A la fin dal 19. tsch. è s'etablì P. sco lieu da cura da stad. Runals da skis existan dapi il 1953. Il 2005 lavuravan 77% da las persunas cun activitad da gudogn a P. en il sectur terziar.</p> Archiv: Ovras: Funtaunas: Litteratura: Kdm GR 2, 254-62; Gem. GR, nr 116, 1982; R. Brugger, P., 1989. Jürg Simonett  Paritads Parpan, Ferdinand  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: