e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Says Scalina  Scaletta, Pass dal Pass a 2606 m che collia Tavau via il Dürrboden en la Val Dischma e l'Alp Funtauna en la Val Susauna cun S-chanf en l'Engiadin'Ota, numnà era S-chaletta. Il S. ha obtegnì ses num dal tschancun da la vart engiadinaisa che furma ina stgala. En il temp medieval era il S. la part centrala d'ina colliaziun intra-alpina d'impurtanza locala e regiunala che manava da Cuira sur il Pass da la Striera a Tavau e da S-chanf sur il Pass dal Chaschauna a Livign e Buorm. Surtut ils da Tavau utilisavan quella ruta per exportar lur products agriculs en Vuclina e per importar vin e graun. Lur urden da sauma dal 1596 numna en emprima lingia la via "gen Veltlin über Scaletta". D'enviern eri difficil da tegnair avert (rutnar) il pass. Repetidamain han lavinas sepulì umans ed animals. La construcziun da la via charrabla sur il Flüela (1866-67) ha interrut il traffic da sauma sur il S. Il project per ina viafier da Landquart via Tavau, Samedan e Malögia fin a Clavenna (cun in tunnel sut il S.), preschentà il 1890, n'è betg vegnì realisà.</p> Archiv: Ovras: Funtaunas: Litteratura: K. Wetzel, Die Scalettabahn, 1890; A. Laely, Davoser Heimatkunde, 1952, 26 s. (1984²); F. Schaffer, Mit Säumern über den Scaletta ins Veltlin, en: TG, 1984, nr 3, 12-15; T. Nelson, Carl Wetzel und die Scalettabahn, en: Davoser Revue, 74/1999, nr. 3, 23-31. Martin Bundi  Says Scalina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: