e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Chaschar Chasegliaders  Chaschauna, Pass dal Passadi a 2694 m che maina da S-chanf en l'Engiadin'Ota sur la Val C. (cun l'Alp C. a 2210 m) e la Val Federia a Livign ed a Buorm, tud. Casannapass. 1465 <em>Val Casana</em>, 1490 <em>Caschauna</em>. En il temp medieval è il C. stà in passadi impurtant per il traffic alpin local, utilisà en il 14.-16. tsch. surtut dals da Tavau e dals Engiadinais per exportar muvel ed importar vin. Per Buorm e Livign era quest pass la colliaziun la pli directa a Cuira (Alpisella - C. - Scaletta - Sapüner Steig - Scanvetg - Cuira). Il C. vegn menziunà en in rapport da l'emissari venez. Giovanni Battista Padavino dal 1605. Il zercl. 1499, suenter la Battaglia a la Chalavaina, è arrivà il cont von Sonnenberg cun in'armada imperiala da var 12'000 umens dal sid sur il C. ed ha devastà l'Engiadina. L'atun 1620 è in'armada da Confederads e Grischuns sa rendida sur il C. ed il Fus-chagn (tal. Foscagno) a Buorm per reacquistar - senza success - las Terras subditas occupadas dals Austriacs. La stad e l'atun 1635 han truppas dal Duca de Rohan utilisà il C. Oz vegn il pass frequentà mo pli sporadicamain da turists. L'anteriura caserna tal. al sid dal C. (2601 m), transfurmada en in'ustaria, vegn visitada stediamain.</p> Archiv: Ovras: Funtaunas: Litteratura: Pieth, Bündnergeschichte. Martin Bundi  Chaschar Chasegliaders  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: