e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cumpagnia da mats Cunter   Cunclas, Pass dal Pass a 1357 m che maina da  Tumein en la Val dal Rain da Cuira a Vetten (vischn. da Faveras) en la Val Tamina, tud. Kunkelspass. Il C. vegniva prob. utilisà gia en il temp roman. El è stà impurtant pli tard per la claustra da Faveras ed il contadi da Werdenberg-Sargans che possedevan numerus bains en il Grischun curretic. El serviva a sviar las staziuns da duana a la Punt da Tardis, a Cuira ed a La Punt/Rehanau ed a guntgir la Val da Rain en temps d'auas grondas. Il 1515 han la susta e la chasa da commerzi a Ragaz obtegnì il dretg d'incassar in dazi sin transports da rauba sur il C. Il 1628 è vegnì engaschà a Tumein in duanier che controllava o.t. il transit da muvel sur il pass sin las fieras al sid. Ils plans per amplifitgar la via dal C., proseguids dad avats da Faveras en il 17. tsch., n'èn betg vegnids concretisads. Ils da Tumein utilisavan il C. per acceder als culms ed a las alps da l'autra vart dal sparta-auas. La via odierna è vegnida construida durant l'Emprima Guerra mundiala.</p> Archiv: Ovras: Funtaunas: Litteratura: F. Maissen, Vom Kunkelspass im 17. Jahrhundert, en: BM, 1962, 127-43. Jürg Simonett  Cumpagnia da mats Cunter   © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: