e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Quotidiana, La (LQ) Rabiusa  Rabius Fracziun da la vischnanca polit. da Sumvitg, colonisada en il temp medieval tempriv. En il quartier da Luven vivevan numerus Libers exteriurs da Lags, doc. il 1391. Ils blers da quels èn sa separads il 1511 da la dretgira dals Libers da Lags ed èn s'unids cun quella da la Cadi, ils auters in pau pli tard. Il 1643 è menz. ina chaplutta a R., il 1669 la nova baselgia da Nossadunna. Il 1901 ha constituì R. in'atgna pravenda. A partir dal 1837 ha sviluppà la culegna tradiziunalmain purila ina modesta industria da laina e da construcziun en lain. Atgna scola primara dapi il 1837; stgomi da classas cun Surrein e Sumvitg dapi il 1981. Incendi catastrofal 1886. Arrundaziun dal funs 1975-87.</p> Archiv: Ovras: Funtaunas: Litteratura: P. Tuor, Die Freien von Laax, 1903, 109 s.; A. Maissen, Sumvitg Somvix, 2000. Adolf Collenberg  Quotidiana, La (LQ) Rabiusa  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: